Azərbaycan Prezidenti İlham Əliyev və Bakıda işgüzar səfərdə olan Fransa Prezidenti Fransua Olland arasında görüşdən sonra Azərbaycan Respublikasının təhsil naziri ilə Fransa Respublikasının milli təhsil, ali təhsil və tədqiqat naziri arasında Azərbaycan-Fransız Universitetinə dair niyyət məktubu imzalanıb.

Trend-in məlumatına görə, niyyət məktubunu Azərbaycanın təhsil naziri Mikayıl Cabbarov və Fransanın Azərbaycandakı səfiri Paskal Mönye imzalayıblar.