Gürcüstan patriarxı II İlya: "Dağlıq Qarabağ tarixən Azərbaycanın olub və olacaq da"
"Yalan ayaq tutsa da, yeriməz, zaman hər şeyi öz yerinə qoyacaq"
“Mən heç vaxt belə bir fikirlə razılaşa bilmirəm ki, biz torpaqlarımızı itirmişik. Əsla yox, sadəcə, müvəqqəti olaraq biz bu ərazilər üzərində nəzarət etmirik. Lakin yalan ayaq tutsa da, yeriməz, zaman hər şeyi öz yerinə qoyacaq. Abxaziya və Cənubi Osetiya əzəli Gürcüstan torpağı olduğu kimi, Dağlıq Qarabağ da tarixən Azərbaycanın olub və olacaq da. Bu yolda biz dualarımızı əsirgəməyəcəyik”. Bu sözləri Tiflisdə Gürcüstan patriarxı II İlya Qafqaz Müsəlmanları İdarəsinin sədri, şeyxülislam Hacı Allahşükür Paşazadənin rəhbərlik etdiyi nümayəndə heyəti ilə görüşdə deyib. 
Dəvətini qəbul edib Tiflisə gəldiyinə görə şeyxülislama dərin minnətdarlıq edən Gürcüstan patriarxı II İlya qeyd edib ki, iki dini liderin arasındakı dostluq və qardaşlıq münasibətləri xalqlarımız arasındakı münasibətlərin əksidir.
|
